Të martën fillon Liga Unike mes Kosovës dhe Shqipërisë. Dy federatat kanë pasur bashkëpunim të ngushtë me dekada të tëra, duke zhvilluar shumë ndeshje miqësore e gara mes tyre.

Pas zhvillimit të disa kampionateve Përfaqësuesja e Kosovës zhvilloi edhe miqësoren e parë me Kombëtaren shqiptare, në Tiranë, në qershor të vitit 1996.

Më 27 nëntor 1999 u zhvillua ndeshja miqësore mes Kosovës dhe Shqipërisë, ku këtë ndeshje e fitoi Kosova 111:70.

Më 27-28 nëntor 2000 u zhvilluan edhe katër ndeshje miqësore mes Shqipërisë dhe Kosovës, te femrat, si dhe te juniorët (M). Dy takimet e para i takuan Shqipërisë, derisa në ndeshjet e dyta, fitoi Kosova (F) 65:72, si dhe juniorët 78:102.

Kosova dhe Shqipëria kanë luajtur shumë ndeshje miqësore. Në korrik të vitit 2017, Kosova mundi dy herë Shqipërinë. Një herë me shifrat 71:63 dhe herën tjetër 90:72.

Herën e fundit u takuan në korrik të vitit 2019, ku sërish Kosova dy herë fitoi, 88:71 dhe 98:85.