Sonte zhvillohet super finalja e Superkupës Mbarëkombëtare mes Tiranës dhe Trepçës.

Përballja do të zhvillohet në “Minatori” të Mitrovicës nga ora 20:00. Tiranasit u kualifikuan në finale direkt, pasi Teuta, kishte probleme shëndetësore me lojtarët, kurse mitrovicasit u kualifikuan, duke mundur në gjysmëfinale Golden Eagle Yllin me rezultat 72:68.

Atmosfera pritet të jetë e jashtëzakonshme, pasi interesimi është i madh në qytetin e Mitrovicës për qytetin e basketbollit.

Kjo është finalja e parë për këto dy skuadra në këtë garë. Edicionin e kaluar e kishte fituar Ylli.

Në këtë finale do të jetë i pranishëm edhe Sekretari Gjeneral i FIBA Botës, Andreas Zagklis.