Liga Unike Femrat do të fillojë në mesjavë. Edhe në këtë edicion do të marrin pjesë gjashtë skuadra.

Tri do të jenë nga Kosova dhe tri nga Shqipëria, për të garuar për titullin e kampionit.

Në edicionin e kaluar triumfoi Prishtina, që në finale kishte mundur Bashkimin 92:49.

Nga Kosova në këtë edicion do të garojnë Bashkimi, Junior 06 Moni Bau, si dhe Peja 03.

Ndërkohë, nga Shqipëria do të jenë Flamurtari i Vlorës, Partizani dhe Tirana.

Gjithsej do të jenë dhjetë xhiro, deri në mars të vitit të ardhshëm, ku më pas do të garohet në Final 4, me katër skuadrat më të mira për titullin e kampionit.

Ndërkohë, në xhiron e parë, Bashkimi do të ndeshet me Flamurtarin, Partizani me Junior 06 Moni Bau dhe Peja 03 me Tiranën.

Liga Unike Femrat

E mërkurë

17:00 Bashkimi-Flamurtari

17:30 Partizani-Junior 06 Moni Bau

E enjte

17:00 Peja 03 – Tirana