Liga Unike Femrat fillon këtë mesjavë. Edhe në këtë edicion priten sfida interesante, ku përballen skuadra nga Kosova dhe Shqipëria.

Tri do të jenë nga Kosova dhe tri nga Shqipëria për të garuar për titullin e kampionit.

Ndeshja e parë do të zhvillohet ndërmjet Bashkimit dhe Flamurtarit, apo kampionit të Kosovës dhe nënkampionit të Shqipërisë. Ky është edhe derbi i kësaj xhiro.

Po të mërkurën do të ndeshen Partizani dhe Junior 06 Moni Bau, ku kjo e fundit garon për herë të parë në këtë ligë.

Për herë të parë do të garojë edhe Peja 03, që do të ndeshet me kampionin e Shqipërisë, Tiranën.

Liga Unike Femrat-Java 1

E mërkurë

17:00 Bashkimi-Flamurtari

17:30 Partizani-Junior 06 Moni Bau

E enjte

17:00 Peja 03-Tirana