Golden Eagle Ylli shënoi fitore ndaj Apolonisë në Fier me shifrat 61:72 (13:20, 7:18, 23:16, 18:18).

Therandasit ishin më të mirë nga fillimi deri në fund për të shënuar fitore të merituar.

Te vendasit më i miri ishte Jaylen Bates me 21 pikë e dhjetë kërcime, derisa te mysafirët më i miri ishte Scott Bamforth me 28 pikë.

Tani të dy skuadrat kanë nga një fitore e një humbje, në kuadër të Grupit B, të Ligës Unike të meshkujve.

Mesjava sjell përballje interesante në Ligën Unike të Femrave, ku zhvillohet xhiroja e katërt.

Takimi i parë do të zhvillohet sot ndërmjet Tiranës dhe Peja 03. Skuadra tiranase ka një fitore e një humbje në dy ndeshjet e para, ndërkohë, skuadra pejane ka katër fitore e një humbje.

Të mërkurën pritet sfidë interesante ndërmjet kampionit, Flamurtarit dhe Bashkimit. Skuadra nga Vlora ka një fitore e një humbje, derisa kampionet e Kosovës kanë dy fitore e një humbje.

Java e katërt do të mbyllet me ndeshjen ndërmjet skuadrave kryeqytetase Prishtina dhe Partizani, ku të dy skuadrat hyjnë vetëm për fitore. Prishtina ka dy fitore e një humbje, kurse Partizani ka dy humbje në dy ndeshje.

Liga Unike Femrat-Java 4

E martë

17:00 Tirana - Peja 03

E mërkurë

17:00 Flamurtari - Bashkimi

20:00 Prishtina - Partizani

Peja 03 ka fituar bindshëm në Tiranë ndaj Partizanit me rezultat të lartë 63:97 (22:22, 14:27, 10:20, 17:28).

Vetëm çereku i parë i ndeshjes ishte i baraspeshuar, e më pas, skuadra pejane filloi dominimin, duke ngritur epërsinë minutë pas minute dhe për të triumfuar në fund 63:97.

Ornela Lalaj ishte më e mira te vendaset me 16 pikë e nëntë kërcime, derisa te skuadra pejane Paige Powell e mbylli ndeshjen me 32 pikë e 14 kërcime, derisa Kiyana Jefferson kishte 20 pikë, 13 kërcime e shtatë asistime.

Për Partizanin ishte humbja e tretë nga tri ndeshje të zhvilluara, ndërsa Peja 03 ka katër fitore e një humbje.